Андрий Копча о першым Світовым Конґресі Русинів

22/03/2016
В великій сали Лабірского дому культуры, єдной з остатніх культурных інвестиций Ческословацкой державы, на сцені завісили цитат з верша Александра Павловича “Ой, пробудьте ся, Русины, жебы на Вас были пышны – дівкы, сыны. Жебы плоды нашых отців не пропали… Жебы гробы нашых предків не плакали”.
В днях 22.-23. марця 1991 р. в Меджелабірцях в Чехословациі одбыл ся Перший Світовий Конґрес Русинів. Днес, прошу на проґрам з циклю “Пропаґанда” з участником першого конґресу і бывшым предсідателом Світовой Рады Русинів, а при тым долголітнім презесом Стоваришыня Лемків – Андрийом Копчом. В будинку, котрий гостил делеґатів конґресу днес находит ся музей Енді Варголя.