Ци мал з вас дахто в руках лемківску кухарску книжку?  Певно мало хто. Єст можніст, же така остане напечатана і буде мож все під руком мати перепис на гомілкы, бобалькы, вар і вельо інчых. Едитa Вільк, авторкa збірника з лемківскыма переписами, oпоівдат про тото, чом взяла ся за зробліня выдавництва од А до Я, хоц по правді мала написати теоретичну працу на даку тему. Ділит ся з нами вражынями з першых кулінарных проб з лемківском кухньом, здраджат што ся стало з першом палетом гомілок, a тіж тото, як зробити найліпшу знимку ідла... і чом треба товды наварити мінімум зо 100 перогів.